Quack Time Event

Patologic Games

Xogo de plataformas e quebracabezas en 1ª persoa no que terás que intentar saír dun templo en ruínas empregando os poderes espazo temporais que te concede un deus encerrado nun pato de goma.

Mellor Proxecto Académico en IndieDevDay 2023.

A Bot to the Top

Midnight Coffee

Xogo de plataformas de precisión 2.5D. Controla o  decrépito robot no seu ascenso cara á cima, superando obstáculos mentres exploras un misterioso mundo en ruínas.

Mellor videoxogo indie en Lérez Up 2023.

After Juice. Animal Disco Mafia

Virtual Seed

Aventura gráfica con máis azucre que sentido común ambientada en Furrol, cidade universitaria habitada por animais. Tofu, o hámster protagonista debe encontrar o seu amigo Churro, que desapareceu durante unha noite de festa.

Avy, fábulas da noite

Games Pond

Avy, fábulas da noite é un videoxogo de plataformas, quebracabezas e aventuras que conta a historia de Avy, unha nena que debe facer fronte aos seus medos con axuda do seu máis prezado amigo, un peluche co que dorme todas as noites.

RAI

Wood Games

Rai é un videoxogo de plataformas 2D cun deseño único debuxado a man, desenvolto en Unreal Engine. Rai ten unha misión: salvar o mundo antes de que este afunda na auga, pero non será doado...

Last Way

Chimera Games

Last Way é un videoxogo de acción, sixilo e plataformas, de scroll lateral e cunha perspectiva 2.5D ambientado nun futuro distópico. Jax, o protagonista, é un estudante que vive en Cidade Vertical, unha metrópoli onde os edificios dominan toda a paisaxe.

As 8 Virtudes de Lili Bulán

Ember Studio

As 8 Virtudes de Lili Bulan é un videoxogo de aventura e sixilo sobre maxia. Lili Bulan deberá controlar os seus poderes e, así, devolver o equilibrio á natureza.